С.Энхболд: Манай эх баригчийн харьцсан харьцаа хандлагад яалтачгүй асуудал байна

Хэд хоногийн өмнө машиндаа амаржсан эхийн талаарх мэдээлэл сошиалд тархсан билээ. Энэ талаар ЭМЯ-ны сайд С.Энхболдоос тодрууллаа. Тэрээр” Машиндаа амаржсан эх болон нөхрөөс нь уучлалт хүсэж байна. Уучлалт хүсэж байгаа шалтгаан бол ялангуяа тэр нөхрийг нь орж ирэхэд манай эх баригчийн харьцсан харьцаа хандлага энэ дээр бол яалтачгүй асуудал байна. Үүн дээр хариуцлага тооцно. Гэхдээ ажлаас халахгүй. Ёс зүйн хариуцлага тооцно.

Төрөлтийн хоёрдугаар үе эхэлчихсэн байсан учраас, орчинг нь бүрдүүлж төрөх нөхцөлийг хангадаг. Тээвэрлэх боломж байхгүй. Төрүүлсний дараа эмнэлэгт авч тусламж үйлчилгээ үзүүл байна. Одоогоор эх хүүхдийн эрүүл мэндийн байдал хэвийн байна гэх мэдээллийг би авсан. Хүүхэд харин жингийн дутагдалтай байгаа гэсэн.

Эрүүл мэндийн байгууллагат харилцаа хандлагын асуудал байгаа. Үүнийгээ засаад явна. Ганц хоёр хүний гаргасан үйлдэл дээр тулгуурлаад бүхэл бүтэн салбарыг ялзарсан гэх нь буруу гэж харж байна.

Машиндаа амаржсан асуудал дээр нөхөр нь эхлээд орж ирэхдээ эхнэрээ аваад ороод ирсэн бол асуудал арай өөр байх байсан.

Хэрвээ үнэхээр буруутай үйлдэл байгаа бол хариуцлага хүлээхэд бэлэн байна. Гэхдээ хариуцлага тооцох субъект нь Засгийн газар. “