Монгол Улсын хүнсний ууган үйлдвэрийн нэг Талх чихэр хариуцлагатай компанийн Delice pastry шинэ үйлдвэрийн нээлтээ өнгөрсөн баасан гарагт хийлээ. “1984 онд анх үүдээ нээж, үйлдвэрээ байгуулж байсан Талх чихэр компани 38 дахь жилдээ тогтвортой ажиллаж байгаа Монголын үндэсний цөөхөн үйлдвэрийн нэг. 2018 оноос дэлхийд алдартай круассан буюу давраат төрлийн бүтээгдэхүүний шинэ брэндийг Монголын хүнсний зах зээлд нэвтрүүлэхээр төлөвлөж ажилласнаар дөрвөн жилийн дараа хүнсний аюулгүй байдлын стандартад нийцсэн олон улсын хэрэглээний шинэ соёлыг дотоодын зах зээлдээ нэвтрүүлж чадлаа” хэмээн Талх чихэр ХК-ийн гүйцэтгэх захирал М.Базар-Ууган онцолсон юм.
Тэрбээр мөн “Delice pastry үйлдвэр нь өдөр тутмын үйл ажиллагаандаа Чанарын удирдлагын тогтолцооны ISO 9001:2015, хүнсний аюулгүй байдлын стандарт болох ISO 22000:2018 стандартын дагуу бүтээгдэхүүнээ үйлдвэрлэн, өөрсдийн итгэмжлэгдсэн лабораторид түүхий эд болон бэлэн бүтээгдэхүүнд өдөр бүхэн шинжилгээ хийж, түүхий эд материал татан авахаас эхлэн эцсийн бүтээгдэхүүн хүртэлх бүхий л үйл ажиллагаанд хяналт тавин ажилладаг. Европын орнуудаас техник технологийн мэргэжилтэн багш нар улирал тутамд ирж сургалт хийж, бид өөрсдийн боловсон хүчнийг олон улсын үзэсгэлэн худалдаанд оролцуулж, туршлага судлуулах, хамтын ажиллагаа бүхий олон улсын компаниудтай хамтран дадлагажуулах ажлыг өнгөрсөн дөрвөн жилийн хугацаанд тогтмол амжилттай зохион байгуулж ажилласан” хэмээн өгүүлсэн.
Өнө урт хугацаанд тоног төхөөрөмжийн судалгаа суурилуулалтад түшиглэн шинэ бүтээгдэхүүний туршилтын ажлыг шат дарааллаар нь хийж чадсан учир техник технологи, бүтээгдэхүүний амт чанар, хүнсний аюулгүй байдал, боловсон хүчний нөөц гэсэн үндсэн хүчин зүйлд онцгой ач холбогдол өгсөнөөр Талх чихэр компани Delice pastry брэндийн бүтээгдэхүүний хэрэглэгчдийн гарт хүргэж эхэллээ хэмээн тус компанийн Санхүү хариуцсан захирал Б.Бурмаа өгүүлээд Delice pastry үйлдвэрийг Монгол Улсын хүнсний зах зээлд оруулж ирэн брэнд бүтээхээр Талхи чихэр компанийн зүгээс Герман, Голланд, Чех, Итали, Хятад гэсэн таван улсын хамтарсан иж бүрэн тоног төхөөрөмжийн угсралт, суурилуулалтын ажлыг 2021 оноос шат дараалалтай хийж дуусгасан хэмээн хэлсэн үгэндээ онцолж байлаа.
Delice pastry үйлдвэр нь Герман болон Оросын тусгайлан зориулсан түүхий эдээр үелсэн олон давхарга бүхий төрөл бүрийн хэмжээ, хэлбэртэйгээр шаржигнасан гадаргуутай давхраат, шанзтай хөөмөл зэрэг 20 гаруй төрлийн бүтээгдэхүүнийг үйлдвэрлэдэг аж. Францын уламжлалт өглөөний цай хэмээн хүлээн зөвшөөрөгдсөн шинэ бүтээгдэхүүнийг монголчууд өглөө бүхэн цоо шинээр амталж гэр бүлийн хэрэглээнд зориулсан сонгодог дизайн бүхий сав, баглаа боодолтойгоор хэрэглэгчдэд хүргэж байгаа нь давуу тал хэмээн үзэж байгаагаа Чехийн элчин сайд үйлдвэрийн нээлтэд ирж, оролцохдоо сэтгүүлчдэд хэлж, сэтгэл хангалуун байгаагаа өгүүлсэн юм.























More Stories
Малайзын мафиас айгаад Монгол хүний амь нас өнчин ишигнээс ч үнэ цэнэгүй болох ёсгүй
2006 онд Малайз улсад Монгол Улсын иргэн Ш.Алтантуяагийн амь насыг онц хэрцгийгээр хөнөөсөн аймшигт хэрэг гарснаас хойш даруй 20 жил...
Nividia компани болон түүний гүйцэтгэх захирал Женсен Хуаныг хувьцаа эзэмшигчид нь шүүхэд өглөө
Мягмар гарагт дэлхийн технологийн салбарын томоохон зүтгэлтэн Женсен Хуан бас нэг шинэ асуудалтай тулгарлаа. Түүнийг болон түүний удирддаг Nvidia компанийг...
16 настай охины амийг хөнөөсөн Ц.Давгадорж нарт холбогдох хэргийн хяналтын шатны шүүх хуралдаан энэ сарын 29-нд болно
Улсын дээд шүүхийн хяналтын шатны эрүүгийн хэргийн 2026 оны аравдугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
