Японы электроникийн аварга корпорац Hitachi энэ сараас эхлэн дөрвөн ажлын өдөртэй долоо хоногт шилжжээ.
Дэлхий даяар олон бизнесийн байгууллага ажилтнуудынхаа ажил, амьдралын тэнцвэрийг хангах, бүтээмжийг дээшлүүлэх зорилгоор ажлын таван өдрөөс дөрвөн өдөрт шилжиж байгаа.
Panasonic Holdings, NEC зэрэг Японы томоохон компаниуд бас энэ онд багтаан дөрвөн ажлын өдөртэй долоо хоногт шилжихээр бэлдэж эхэлжээ.
Hitachi корпорацын хувьд шинэ журам шинэ санхүүгийн жилээс буюу дөрөвдүгээр сарын 1-нээс хэрэгжиж эхэлсэн байна.
Тус компанийн 15,000 орчим ажилтан шинэ журмаар ажиллаж эхлэх юм.
Шинэ журмын дагуу ажилтан Даваагаас Пүрэв гарагуудад илүү цагаар ажилласан тохиолдолд Баасан гарагт амрах боломжтой болжээ.
Өдөрт ажиллах стандарт цаг 7 цаг, 45 минут байдаг. Харин Даваагаас Пүрэв гарагуудад өдөрт 9-10 цаг ажилласан бол Баасанд амрах эрх нээгдэх юм байна.
Ажилтан бүр ажлын цагаа ингэж тус тусдаа зохион байгуулах боломжтой гэнэ.
Үүнээс гадна сарын эхний хагаст уртасгасан цагаар ажиллаад сарын сүүлээр нөхөж амрах боломж нээгджээ.
Япон улсын засгийн газар дөрвөн ажлын өдөртэй долоо хоногийг нэвтрүүлэхэд нь хувийн хэвшлийнхэнд дэмжлэг үзүүлэх бодлогын баримт бичгийг өнгөрсөн оны зургаадугаар сард баталж байв.
Дөрвөн ажлын өдөртэй долоо хоногийг Америк, Европын олон компани нэвтрүүлээд байгаа.
Өнгөрсөн оны арваннэгдүгээр сард Ридингийн Их сургуулиас дөрвөн ажлын өдөртэй долоо хоногт шилжсэн Их Британийн 500 компанийн дунд судалгаа явуулахад дийлэнх хэсэг нь сайн үр дүнтэй байгааг баталжээ.
Тухайлбал тэдний 68 хувь нь авьяас чадвартай сайн ажилтан олж авах боломж нэмэгдсэн гэж хариулсан бол 66 хувь нь үйл ажиллагааны зардал буурсан гэж хариулсан байна.
Эх сурвалж: Nikkei
More Stories
Nividia компани болон түүний гүйцэтгэх захирал Женсен Хуаныг хувьцаа эзэмшигчид нь шүүхэд өглөө
Мягмар гарагт дэлхийн технологийн салбарын томоохон зүтгэлтэн Женсен Хуан бас нэг шинэ асуудалтай тулгарлаа. Түүнийг болон түүний удирддаг Nvidia компанийг...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
Газрын тос боловсруулах үйлдвэрийн бүтээн байгуулалт 60 хувьд хүрчээ
Монгол Улсын Ерөнхийлөгч Ухнаагийн Хүрэлсүх Дорноговь аймагт ажиллах үеэрээ Газрын тос боловсруулах үйлдвэрийн бүтээн байгуулалтын явцтай танилцав. “Чингис хаан баялгийн...
Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо
Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...
