Сөүл хотод жолоочгүй такси явж эхэлжээ

Солонгос улс өнөөдрөөс эхлэн жолоочгүй такси явж эхэлсэн талаар SBS телевиз мэдээллээ.

Одоогоор Сөүл хотын Мапу дүүргийн Санам хороонд өнөөдрөөс эхлэн хэрэгжиж эхэлсэн бөгөөд 1 сар үнэгүй хүргэлт үйлчилгээ үзүүлэн он гараад үнэтэй болох аж.
Таксины үнийн дүн нь 3000-с доош байх гэнэ. Он гаргаад Ганнам дүүрэгт хэрэгжүүлэх бөгөөд ирэх оны 4 сард гэхэд Сөүл хотын Чонгечонд (청계천) жолоочгүй автобус буюу автомат жолоодлоготой автобус явуулахаар болжээ.
Хамгийн эцсийн зорилго нь ерөөсөө л олон нийтийн тээврийн хэрэгсэлийг жолоочгүй, автомат болгох юм байх.
Тиймээс Сөүл хотын захиргаа Сөүл хот даяар автомат жолоодлоготой автомашинуудыг ажиллуулах дэд бүтцийг 5 жилийн дотор байгуулна гэдгээ мэдэгдэж 148 тэрбум воныг төсөвлөжээ.
Энэхүү түүхэн тэмдэглэлт өдрийн Хамгийн анхны таксинд Сөүл хотын дарга У Сэ Хүн суугаад гараараа даллаад, сэтгэлээ илэрхийлжээ.