Энэ онд улсын хэмжээгээр 420.2 мянган га-д үр тариа, үүнээс 389.4 мянган га-д улаанбуудай, 19.8 мянган га-д төмс, 9.9 мянган га-д хүнсний ногоо, 100.4 мянган га-д тосны ургамал, 100.0 мянган га-д тэжээлийн ургамал, 4.7 мянган га-д жимс, жимсгэнэ, Нийт 655.0 мянган га-д тариалалт хийжээ.
2020 оны дөрөвдүгээр сарын сүүлчээр газар тариалан бүхий нутагт ашигтай чийгийн нөөцийг (уринш болон гуурстай талбайд) хагалгааны гүнүүдэд тодорхойлоход ихэнх нутгаар хангалтай, Сэлэнгийн Цагааннуур, Түшиг, Орхонтуул,Төвийн Угтаалцайдам, Борнуурт дунд зэрэг, Булганы Хутаг-Өндөр, Тэшиг, Бүрэгхангай, Сэлэнгийн Баянгол, Мандал, Дорнодын Баян-Уул, Чойбалсан, Өвөрхангайн Хархорин, Төвийн Цээл, Хэнтийн Биндэр, Гурванбаян, Орхоны Жаргалантад хангалтгүй байв.
Мөн тавдугаар сард газар тариалан бүхий ихэнх нутгаар олон жилийн дунджаас ахиу тунадас орсон ч агаарын дундаж температур олон жилийн дунджаас сэрүүн байсан нь таримал ургамал цухуйхад дулаан төдийлөн хүрэлцээ муутай байснаас ихэнх газар цухуйлт оройтсон.
Энэ зун тариалан бүхий ихэнх нутгаар хур тунадас олон жилийн дунджаас ахиу байж ургамлын чийгийн хангамж сайн байсан ч агаарын температур олон жилийн дунджийн орчим буюу түүнээс сэрүүн байсан нь дулаан хангамж болц бага зэрэг оройтоход нөлөөллөө.
Улаан буудай тавдугаар сарын сүүлчээр ихэнх нутгаар цухуйж, зургадугаар сарын сүүлчээр голлолтын үе шатандаа орсон бол наймдугаар сарын сүүлч гэхэд ихэнх нутгаар аарцан бололтын үе шатандаа байсан. Сэлэнгийн Цагааннуур, Баруунхараа, Орхонтуулд сүүн бололт, Хөвсгөлийн Тариалан, Булганы Сэлэнгэ, Сэлэнгийн Орхон, Ерөө, Дархан-Уулын Дарханд бүрэн бололтын үе шатанд орж эхэллээ. Есдүгээр сарын сүүлч гэхэд ихэнх нутгаар болц гүйцсэн.
Төмс зургадугаар сарын дундуур ихэнх нутгаар цухуйж, долдугаар сарын эхээр гэхэд баг цэцгийн үүсэл үе шатандаа орсон. Цэцэглэлт үе шатанд ихэнх нутгаар долдугаар сарын сүүлчээр, Ховдын Булган, Өвөрхангайн Хархорин, Сүхбаатарын Баруун-Урт, Хэнтийн Өндөрхаан, Дорнодын Баян-Уулд мөн сарын дундуур, Сэлэнгийн Баянгол, Төвийн Жаргалантад наймдугаар сарын эхээр ажиглагдсан бол наймдугаар сарын сүүлчээр Хэнтийн Дадалд цэцэглэлтийн төгсгөл, бусад нутгаар ишний гулжийлт үе шатандаа орсон байна.
Энэ зун буудай үе шатууд өмнөх жилийнхээс ихэнх нутгаар 10 орчим хоногоор хоцорч илэрч байсан ч ургалтын байдал сайн хур тунадас ахиу орсноор ургац хураах бүрэн бололцоотой болсон гэж ЦУОШГ-аас мэдээлэв.
More Stories
16 настай охины амийг хөнөөсөн Ц.Давгадорж нарт холбогдох хэргийн хяналтын шатны шүүх хуралдаан энэ сарын 29-нд болно
Улсын дээд шүүхийн хяналтын шатны эрүүгийн хэргийн 2026 оны аравдугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
Газрын тос боловсруулах үйлдвэрийн бүтээн байгуулалт 60 хувьд хүрчээ
Монгол Улсын Ерөнхийлөгч Ухнаагийн Хүрэлсүх Дорноговь аймагт ажиллах үеэрээ Газрын тос боловсруулах үйлдвэрийн бүтээн байгуулалтын явцтай танилцав. “Чингис хаан баялгийн...
Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо
Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...
