Ахмадад нийт 216 тэрбум төгрөгийг олгожээ

Тэтгэврийн зээлийг тэглэх тухай хуулийг 2020 оны нэгдүгээр сарын 10-ны өдөр УИХ баталсан. Ингэснээр Нийгмийн даатгалын сангаас тэтгэврээ барьцаалж зээл авсан иргэдийн зургаан сая хүртэлх төгрөгийг зээлийг тэглэсэн юм. Улмаар 228.5 мянган ахмадын 694.9 тэрбум төгрөгийн зээлийг тэглэсэн.

Харин тэтгэврийн зээлгүй байсан ахмадуудад энэ сарын 9-нөөс нэг сая төгрөгийг олгож эхэлсэн юм.

ХНХ-ын сайдын мэдээлснээр 194,100 ахмадад 194 тэрбум төгрөг, нэг сая төгрөгөөс доош зээлтэй байсан 43,900 ахмадад 21.4 тэрбум төгрөг буюу нийт 216 тэрбум төгрөгийн олгож дуусчээ.