Ардчилсан эмэгтэйчүүдийн холбооноос мэдээлэл хийлээ. АЭХ-ны ерөнхийлөгч С.Одонтуяа, АЭХ-ны зөвлөх З.Нарантуяа нар эмэгтэйчүүдээ төлөөлж нэр бүхий хүмүүст уриалга, шаардлагыг хүргүүлж байна.
Н.Алтанхуяг, З.Энхболд, С.Эрдэнэ, Х.Баттулга, Ц.Элбэгдорж та таван эрхэм хэлэлцээрийн ширээний ард суун үүрэг хариуцлагаа ухамсарлах цаг болсон байна. Хуулийн хугацаанд таван эрхэм ойлголцож, ялалт байгуулж чадах хэн нэгнээ дэвшүүлж чадахгүй бол АН-ын гишүүд бид уучлахгүй. Хөндлөнгөөс харж суудаг цаг биш тул, үүрэг хариуцлагыг та бүхнээс нэхэж байна. Өөрсдийн биеэр АН-ын төв байранд яг одоо ирж, хэлэлцээрийн ширээнд суухыг уриалж, шаадаж байна. Н.Алтанхуяг, З.Энхболд, С.Эрдэнэ, Х.Баттулга, Ц.Элбэгдорж та тавыг яаралтай ирэхийг шаардаж байна” гэв.
