“Pfizer-BioNTech”-ийн вакцин “COVID-19”-ийн Өмнөд Африкт бүртгэгдсэн хувилбараас хамгаалж чадахгүй нь батлагджээ

   “Pfizer-BioNTech”-ийн хамтран бүтээсэн “COVID-19”-ийн вакцин нь Өмнөд Африкт бүртгэгдсэн мутацид орсон хувилбараас хамгаалж чадахгүй нь урьдчилсан байдлаар батлагджээ. Түүнчлэн Кембрижийн их сургуулийн эрдэмтдийн явуулсан судалгаанаас харахад 80-аас дээш насны хүмүүсийг вирусээс хангалттай хамгаалж чадахгүй байх магадлалтай гэнэ.

Кембрижийн их сургуулийн профессор, судалгааг ахалсан Рави Гупта “Бидний хийсэн вакцин нь коронавирусийн эсрэг мутацид орсон хэлбэрийн эсрэг дүн багатай байх магадлалтайг судалгаа харуулж байна” хэмээжээ.

Их Британи тэргүүтэй олон орон цар тахлын тархалтыг зогсоох зорилгоор “Pfizer-BioNTech”-ийн вакциныг ард иргэдээ тарьж эхлээд байгаа билээ. Их Британийн Засгийн газраас уг вакциныг ойролцоогоор гурван долоо хоногийн зайтай хоёр тунгаар хийхээр төлөвлөсөн байснаа цуцалж, тун хоорондын зайг 12 долоо хоног хүртэл сунгаж, эхний тунгаар аль болох олон хүнийг хамруулахаар ажиллаж төлөвлөжээ. Мягмар гарагт явуулсан судалгаагаар гурван долоо хоногийн өмнө “Pfizer” вакцины эхний тунг тариулсан 26 хүний цусны дээжийг шинжилж SARS-CoV-2 вирусийн хоёр хувилбараас хамгаалж чадах эсэхийг шалгахад долоон хүнээс бусдад нь вирусийг саармагжуулах эсрэг биет үүссэн байжээ. Судалгааг хамтран удирдсан Дами Коллиер 80-аас дээш насны хүмүүсийн нэлээд хувьд нь вакцины эхний тунг хийснээс хойш гурван долоо хоногийн дараа халдвараас хамгаалах хамгаалалтын саармагжуулах эсрэг бие үүсэхгүй байгааг анхааруулсан байна.