Францын нийслэл Парис хотын захад хутгатай этгээд дунд сургуулийн багшийн толгойг тасадсан аймшигт хэрэг өнгөрсөн Баасан гаригт  гарчээ.

Халдлага үйлдсэн этгээд нь Абдулла Анзоров гэх 18 настай чечень хүү аж. Абдулла Анзоров нь халдлага үйлдсэнийхээ дараа “Аллах акбар” (Бурхан бол хамгийн агуу) хэмээн хашгирсан ба цагдаа нар түүнийг буудан хөгөөжээ. Түүнчлэн Францын цагдаа нар түүний гэр бүлийнхэн, хамаатан садан нийлсэн 10 хүнийг баривчилсан байна. Абдулла Анзоров халдлагын дараа хохирогчийн толгойг тасадсан зургаа цахим сүлжээнд байршуулж амжжээ. Тэрбээр Францын Ерөнхийлөгч Эммануэл Макронд хандан “Би чиний нохдын нэгийг цаазаллаа” хэмээх тайлбартайгаар зургаа твиттерт нийтэлсэн байв.

Хохирогч 47 настай Самуэль Пати нь Парис хотын захын дунд сургуульд газар зүй, түүхийн багшаар ажилладаг байв. Тэрбээр халдлага гарахаас долоо хоногийн өмнө сурагчдадаа исламын зөнч Мухаммедын тухай комикийг үзүүлснээс болж ийнхүү амь насаараа хохирчээ.

Абдулла Анзоров нь ОХУ-ын нийслэл Москва хотноо төрсөн ба бага байхдаа Чеченьд очжээ. Чеченьд тэрбээр ОХУ-ын Ерөнхийлөгч Владимир Путины “уяаны нохой” гэгдэх Рамзан Кадыровын нөлөөгөөр исламын хэт даврах үзэл санаанд ууссан хэмээн “Caucasian Knot” мэдээллийн сайтын эрхлэгч Григорий Шведов мэдэгджээ. Чеченийн удирдагч Рамзан Кадыров Францын шар хэвлэл болох Чарли Хебдо сониныг шүүмжилсэн мэдэгдэл хийсний дараа Францад халдлага гарсан аж.

Өмнө нь 2015 оны нэгдүгээр сард Парис дахь Чарли Хебдо сонины байранд халдлага гарч 12 хүн амь үрэгдэн 11 хүн нас барсан. Тухайн халдлагаас хэдхэн хоногийн дараа Рамзан Кадыров нь Чеченьд олон ямган хүнийг цуглуулан Чарли Хебдо сониныг эсэргүүцсэн жагсаал зохион байгуулж байв. Чарли Хебдо сонин нь 2015 оны халдлагын хэргээр шүүх хурал эхэлснийг тохиолдуулан өнгөрсөн есдүгээр сард исламын зөнч Мухаммедын тухай комикийг дахин нийтэлсэн байв.

Эх сурвалж: The Daily Beast

Leave a Reply

Your email address will not be published. Required fields are marked *

Previous post Ирэх сарын 1-нээс архивын лавлагааг дүүргээс олгоно
Next post Дундговь аймагт цасаар шуурч эхэлж байна

More Stories

“Сүхбаатар дулааны цахилгаан станц” 150 мянган өрх, аж ахуйн нэгжийг цахилгаанаар, 30 мянган айл өрхийг дулаанаар хангана

Мөрч
2 days Ago

Монгол Улсын Ерөнхийлөгч Ухнаагийн Хүрэлсүх Сэлэнгэ аймагт ажиллаж байна. Тэрбээр “Сүхбаатар дулааны цахилгаан станц”-ийн нээлтэд оролцов.  Энэ станц орон нутгийн...

ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION  ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ

Пүрэв Дашдорж
2 weeks Ago

Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...