Дипломатч Т.Мөнхбатад Германы шүүх 3 жил 9 сарын хорих ял оноолоо

ОХУ-ын Буриад Улсын Улаан-Үдэ хотод суугаа Ерөнхий консулын газарт худалдааны атташегаар ажиллаж байсан Т.Мөнхбат, жолооч Э.Оргил нар нь 40 мянган еврогийн үнэд хүрэх, 150 мянган ширхэг сэтгэцэд нөлөөлөх буюу мансууруулах үйлчилгээтэй эм тээвэрлэж явсан нь илэрсэн.  Тэднийг ХБНГУ-ын зүүн өмнөд бүсийн А17 чиглэлийн хурдны зам дээр саатуулсан билээ. Тэгвэл Т.Мөнхбат, жолооч Э.Оргил нарт холбогдох хэргийн шүүх хурал энэ сарын 13-нд Герман улсад болж Т.Мөнхбатад 3 жил 9 сарын хорих ял оноосон бол жолооч Э.Оргилыг найман сараар хорих ялаар шийтгэсэн байна.