Гашуунсухайт боомтоор өчигдөр 900 гаруй машин нэвтэрчээ

Хятадын тал гаалийн тоног төхөөрөмжөө шинэчлэхтэй холбоотойгоор ачааны машинууд буцаагдаж байгаа тул манай талаас Хятадын талаас чухам ямар шалтгаан байгаа талаар асуудал хүргүүлсэн байна. Монгол болон БНХАУ хооронд нүүрс тээвэрлэх зөвшөөрөлтэй буюу С зөвшөөрөл авсан 6781 тээврийн хэрэгсэл байдаг. Хийлээр гарахгүйгээр тээвэр хийдэг хэрэгслийг оруулбал 13079 ачааны машин нүүрс тээвэрлэж байгаа бөгөөд 13 мянган жолооч ажиллаж байгаа юм.

Өнгөрсөн онд манай улс 33 сая тонн нүүрс экспортолсны 17 гаруй мянган тонныг Гашуунсухайт боомтоор гаргасан. Он гарснаар эхний есөн сарын байдлаар 23.5 сая тонн нүүрс экспортолсны 14.3 сая тонныг мөн тус  боомтоор гаргасан юм. Өнгөрсөн жилээс эхлэн хөрш орны хилийн нэвтрэлээс шалтгаалан нүүрсний тус боомтоор гарах нүүрсний экспорт хумигдаж, нүүрстэй машины урт дараалал үүсээд байсан. Тэгвэл хоёр орны удирдлагын төвшинд энэ асуудал яригдсаар хилийн нэвтрэлтийг нэмэгдүүлсэн. Хэвийн үед тус боомтоор өдөрт 1300 гаруй нүүрс тээвэрлэсэн авто машин хил нэвтэрдэг гэдгийг “Гашуунсухайт авто зам”-аас мэдээлээд буй.