Татварын байцаагч нар 100 сая төгрөгийн хахууль авсан хэрэгт холбогдов

Татварын улсын байцаагчаар ажиллаж байсан Б.Ц, А.Б нар нь бусдаас их хэмжээний хахууль авсан хэргийг шүүх хэлэлцэхээр боллоо.

“Д…” ХХК-ийн татварын хяналт шалгалтыг хийх явцдаа албаны чиг үүргээ хэрэгжүүлэхгүй байхын тулд 2025 оны 9 дүгээр сард 100 сая төгрөгийн хахууль авсан хэрэгт буруутгагджээ.

Хахууль авсан байцаагч нараас гадна хахууль өгсөн иргэн Г.Н-д яллах дүгнэлт үйлдэн прокурор шүүх рүү шилжүүлжээ

Тус хэргийг Эрүүгийн хуулийн 22.4 (Хахууль авах), 22.10 (Үндэслэлгүйгээр хөрөнгөжих), 18.6 (Мөнгө угаах) зүйлд хамааруулжээ.