Нийслэл хот хагас коксон түлшний 27 мянга гаруй тонн нөөцтэй байна

“Нийслэлийн гэр хорооллын айл өрхүүд арванхоёрдугаар сарын 1-нээс хагас коксон шахмал түлшний хэрэглээнд бүрэн шилжиж байна.

Өнөөдрийн байдлаар 425 цэгээр хагас коксон шахмал түлшийг борлуулж байгаа бөгөөд 27,518 тонн нөөцтэй байна” гэжээ.

Энэ жилээс эхлэн жилд 350,000 тонн хагас коксон түлш түлж, агаар бохирдуулагч бодисууд болох хүхэрлэг хий, азотын исэл, тоосонцрын хэмжээг хоёр дахин бууруулна гэдгийг мэргэжилтнүүд тооцоолжээ.

Хагас коксон шахмал түлшийг сайжруулсан түлштэй харьцуулахад агаарын бохирдлыг 40-50 хувиар бууруулах боломжтой гэнэ.

Харин нам даралтын зуухтай халуун ус нийтийн байр, дугуй засвар зэрэг 2,306 гаруй байгууллага жилд 163 мянган тонн түүхий нүүрс түлдэг бол усан болон уурын халаалттай арьс шир, хөөсөнцрийн 74 үйлдвэр жилд 216 мянган тонн түүхий нүүрс хэрэглэдэг байна.

Дулаан үйлдвэрлэх тусгай зөвшөөрөлтэй, 100-4,200 квт-ын зуухтай 172 байгууллага 100 мянган тонн түүхий нүүрс хэрэглэж байгаа бөгөөд эдгээрийн дийлэнх нь төрийн байгууллагууд учир ирэх онд 14 сургууль, 6 цэцэрлэгийг хийн халаагуурт шилжүүлэхээр төлөвлөжээ.