2024 онд нийт 33.8 тэрбум төгрөгийн төсвийг зориулалтын бусаар, үр ашиггүй зарцуулжээ

Монгол Улсын Үндэсний аудитын газраас 2024 оны Засгийн газрын санхүүгийн нэгдсэн тайланд хийсэн аудитын дүгнэлтээ олон нийтэд танилцууллаа. Энэ удаад аудитын тайлангаас Төсвийн ерөнхийлөн захирагч нар буюу сайд, дарга нарын мэдэлд байдаг мөнгөн хөрөнгийн үлдэгдэл болон түүний өсөлттэй холбоотой гол баримтуудыг онцолж байна. Үүний зэрэгцээ, уг өсөлт бодит үр өгөөж, төсвийн сахилга баттай нийцэж байгаа эсэх талаар асуулт хөндөх цаг хэдийн болсон бололтой.

2024 оны жилийн эцсийн байдлаар улсын хэмжээнд ТЕЗ-дын (Төсвийн Ерөнхийлөн Захирагчдын) мэдэлд байсан мөнгөн хөрөнгийн нийт үлдэгдэл 9,476.7 тэрбум төгрөгт хүрсэн нь өмнөх оноос 1,825.0 тэрбум төгрөгөөр нэмэгджээ. Энэ нь төрийн санхүүгийн “хэтэвч” хэр хурдацтай膨ширч байгааг харуулах ч нөгөө талаас тухайн хөрөнгө иргэдэд очих ёстой үйлчилгээ, бүтээн байгуулалтад бүрэн зориулагдаж байгаа эсэх тухай асуулт ч мөн зэрэгцэн тавигдаж байна.

Тайланд дурдсанаар, нийт үлдэгдлийн 95.9 хувь буюу 9,092.2 тэрбум төгрөг нь банкны харилцах дансанд, 3.5 хувь буюу 336.3 тэрбум төгрөг нь хадгаламж хэлбэрээр байршиж байна. Харин 46.7 тэрбум төгрөг буюу ердөө 0.5 хувь нь касст бэлнээр хадгалагдаж байгаа нь төр “мөнгөтэй ч хөдөлгөхгүй” гэдэг сэтгэгдэл төрүүлж болзошгүй.

-2024 онд нийт 33.8 тэрбум төгрөгийн төсвийг зориулалтын бусаар, үр ашиггүй зарцуулжээ

-Гадаад харилцааны сайд Б.Батцэцэг 8 тэрбум төгрөг,

-ХХААХҮ-ийн сайд Ж.Энхбаяр 6.4 тэрбум төгрөг,

-АҮЭБ-ийн сайд асан Ц.Туваан 6 тэрбум төгрөг,

-Шадар сайд С.Амарсайхан 2.8 тэрбум төгрөг,

-Боловсролын сайд П.Наранбаяр 2.8 тэрбум төгрөг,

-Зам, тээврийн сайд Б.Дэлгэрсайхан 2.4 тэрбум төгрөг,

-Бусад төсвийн ерөнхийлөн захирагч 5.4 тэрбум төгрөг байна.

-Монголбанкны зохистой харьцааны шалгуур үзүүлэлт хангаагүй банканд 96.1 тэрбум төгрөг байршуулжээ

-Нийгмийн даатгалын сан – 93.4 тэрбум төгрөг

-Зам, тээврийн сан – 2.7 тэрбум төгрөг

-Ажилчдын цалин, урамшуулал нэмэгдлийг зөрүүтэй тооцсон, сахилгын шийтгэлтэй ажилчдад үр дүнгийн урамшуулал олгосон, татвар суутгаагүй 11.9 тэрбум төгрөг байна

-Боловсролын сайд П.Наранбаяр – 5.6 тэрбум төгрөг

-ГБХНХ-ын сайд асан Л.Энх-Амгалан – 1.3 тэрбум төгрөг

-Сангийн сайд Б.Жавхлан – 1.3 тэрбум төгрөг

-Бусад төсвийн ерөнхийлөн захирагч – 3.7 тэрбум төгрөг байна.

Эх сурвалж Shuud.mn