Нийтийн ахуйн үйлчилгээний салбарын төлөөллүүд түрээсийн дарамт шахалт, ажиллах болон амьдрах орчны нөхцөл байдлаа сайжруулах асуудлаар “Улаанбаатар орон сууцжуулалт” ХХК-ийн гүйцэтгэх захирал З.Төмөртөмөөтэй уулзаж, саналаа уламжиллаа.
Тэд LiveHub буюу Хамтдаа хөгжье уриатай төсөл хөтөлбөрийг санаачлан, 21 аймгийн хэмжээнд судалгаа хийж, асуудал дэвшүүлжээ.
Хэрвээ тэдний энэхүү төсөл амжилттай хэрэгжвээс жишиг төвүүдийг дагасан олон дэвшилтүүд бий болох төдийгүй нийслэлд хамгийн их тулгамдаад байгаа түгжрэл, төвлөрлийн ачаалал буурна гэж үзэж байгаа аж. Төрөөс явуулж буй хөнгөлөлт урамшуулалд тэр бүр хамрагдаж чаддаггүй хүмүүс бол бичил бизнес эрхлэгчид буюу энэхүү ахуйн үйлчилгээний салбарынхан. Тэдний судалгаа, дэвшүүлж буй хөтөлбөр, төсөл арга хэмжээг боломжит нөхцлөөр дэмжиж, цаашид томоохон чуулган зөвлөгөөнийг зохион байгуулахад анхаарна гэж “Улаанбаатар орон сууцжуулалт”ХХК-ийн гүйцэтгэх захирал З.Төмөртөмөө онцоллоо.
#стандартын_бус_ажлын_байр_ба_чанар_аюулгүй_байдал
#банк_болон_зээлийн_боломжгүйгээс_үүдсэн_амьдралын_чанар
#насан_туршийн_түрээсийн_дарамт
