Нэг. Зорилго: Иргэд, хүүхэд, залуучуудад эх орноо хайрлан хамгаалах, тусгаар тогтнол, эх хэл, түүх, соёлоороо бахархах үзлийг түгээн дэлгэрүүлэх, амралт чөлөөт цагаа зөв боловсон өнгөрүүлэх газрыг нэмэгдүүлэхэд оршино.
Хоёр. Уралдааны сэдэв:
“Монгол Улсын Төрийн далбааг хүндэтгэлтэйгээр байрлуулах өндөрлөг”
Гурав. Хамрагдах хүрээ:
Иргэн, аж ахуйн нэгж байгууллага.
Дөрөв. Уралдааныг зохион байгуулах үе шат, хугацаа:
Болзолт уралдаанд оролцогчид зураг, төслийг ажлын хэсгийн бүрэлдэхүүнд цаасан болон цахим хэлбэрээр 2025 оны 03 дугаар сарын 11-ний өдөр ирүүлнэ. Ирүүлсэн зураг, төслийг ажлын хэсэг сонгон шалгаруулж 3 төслийг байр эзлүүлнэ.
Дүнг 2025 оны 03 дугаар сарын 13-ны өдрийн дотор Батлан хамгаалах яамны цахим хуудаст /www.mod.gov.mn/ нийтэлнэ.
Тав. “Монгол Улсын Төрийн далбааг хүндэтгэлтэйгээр байрлуулах өндөрлөг” байгуулах болзолт уралдаанд тавигдах шаардлага:
Төрийн далбааны хэмжээ 6х12 метр, ишний өндөр 40 метрээс багагүй;
Суурийн хэмжээ урт, өргөн 5х5 метр, өндөр 1 метр, шаталсан хэлбэртэй байх;
Суурийг байгалийн чулуугаар бүрж, хана хэсэгт үндэсний онцлог, түүхийг харуулсан товгор хээ бүхий зураг барималтай байх;
Ойр орчимд иргэд суух сандал, цэцэрлэгт хүрээлэн бий болгохоор төлөвлөх;
Гэрэлтүүлэг нь шөнийн цагт далбааг харагдахуйц байдлаар төхөөрөмжлөх;
Хүндэтгэлийн арга хэмжээг зохион байгуулахад шаардлагатай талбайтай байх;
Далбааны материал зориулалтын байх.
Зургаа. Уралдаанд ирүүлэх зураг, төслийн хэлбэр:
А3 хэмжээтэй цаасан дээр зураг, төслийг боловсруулах;
Төрийн далбааг намирч байх үеийн 3D “Анимейшн” байдлаар дүрслэн үзүүлэх;
Танилцуулгыг word хэлбэрээр үсгийн фондыг Arial 12-оор бичсэн байх;
Иргэн, аж ахуйн нэгж, байгууллагын ажлын туршлага, товч намтрыг хавсаргах ба зохиогчийн нэрийг эхний нүүрэнд бичсэн байна.
Хугацаа хожимдсон, удирдамжид заасан шаардлага хангаагүй зураг, төслийг хүлээж авахгүй.
Шалгарсан зураг, төслийг Батлан хамгаалах яамны веб хуудас болон бусад мэдээллийн сувгаар дамжуулан нийтэлж олон нийтэд хүргэнэ.
Долоо. Шагнал:
Нийт шагналын сан 35 сая төгрөг.
- Тэргүүн байр-1 (Өргөмжлөл, 20,000,000.00 төгрөг)
- Дэд байр-1 (Өргөмжлөл, 10,000,000.00 төгрөг)
- Гутгаар байр-1 (Өргөмжлөл 5,000.000.00 төгрөг)
Холбоо барих утас: 88093554, цахим хаяг: baterdene.e@mod.gov.mn
More Stories
“ДОРНОД УРАН” ХХК ШИНЭЭР БҮРТГЭГДЭЖ, МАРДАЙН УРАНЫ ТӨСЛИЙН БЭЛТГЭЛ АЖИЛ ЭХЭЛЛЭЭ
2025 оны зургадугаар сарын эхээр Монгол Улсын бүртгэлийн байгууллагад “Дорнод Уран” ХХК нэртэй шинэ компани албан ёсоор бүртгэгдлээ. Тус компани...
Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа
Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...
МОНГОЛ-ОРОСЫН ХАМТАРСАН МАРДАЙН “УРАН”-Ы ТӨСӨЛ УРАГШИЛЖ БАЙНА
Монгол, Оросын хамтарсан ураны төсөл дахин хөдөлгөөнд орж байна. Монгол Улсын бүртгэлийн байгууллага 2025 оны зургадугаар сард “Дорнод Уран” нэртэй...
ТЭРТЭЭХ ХААЛТТАЙ МАРДАЙН ОРД НЭЭЛТТЭЙ ТӨСӨЛ БОЛОН ДАХИН СЭРГЭХ ГЭЖ БАЙНА
Зөвлөлтийн үеийн нууцлагдмал түүхтэй Мардайн ураны орд өнөөдөр шинэ шатанд шилжихэд бэлэн болжээ. Монгол, Оросын хамтарсан “Дорнод Уран” ХХК 2025...
“Тогтвортой байдлын яриа хэлэлцээ- 2025 Уур амьсгалын өөрчлөлт: Тэрбуман мод” чуулга уулзалт болно
Монгол Улсын Ерөнхийлөгчийн ивээл дор “Тогтвортой байдлын яриа хэлэлцээ 2025 – Уур амьсгалын өөрчлөлт: Тэрбуман мод” чуулга уулзалт 2025 оны 06...
УРАНЫГ ГАЗАР ДООГУУР УУСГАН ОЛБОРЛОХ ТЕХНОЛОГИ БУЮУ АЮУЛГҮЙ, ОРЧИН ҮЕИЙН ШИЙДЭЛ
Монгол Улсад ураныг олборлоход газар доогуур уусган олборлох технологи ашиглах нь олон улсын жишигт нийцсэн, байгальд ээлтэй, аюулгүй арга гэж...