Ухуулагч хийхээр очсон эмэгтэйг хүчирхийлсэн гэх хэргийг хаажээ

Сүхбаатар аймагт ухуулагч хийхээр очсон эмэгтэйг хүчирхийлсэн гэх асуудлын талаар цагдаагийн байгууллагаас өнөөдөр /2024.06.26/мэдээлэл өглөө.

-Өнгөрсөн зургадугаар сарын 11-ны өдөр Сүхбаатар аймгийн цагдаагийн газарт нэр хаягаа нууцалсан иргэнээс “Манай дүүг хүчиндсэн байж болзошгүй” гэх дуудлага мэдээлэл ирсэн. Үүний дагуу тус аймгийн цагдаагийн мөрдөн байцаах хэлтэс шалгалтын ажиллагааг эхлүүлсэн. 2024 оны зургадугаар сарын 10-ны өдөр буюу сонгуулийн сурталчилгаа эхэлсэн өдөр Улаанбаатар хотоос 21-24 насны зургаан эмэгтэй тухайн аймагт Ардчилсан намын ухуулагч хийхээр ирсэн. Хэрэгт шалгалтын ажиллагаа явуулахад, тухайн нэр бүхий зургаан иргэн цагдаагийн байгууллагад дуудлага мэдээлэл өгөөгүй. Дуудлага мэдээллийн талаар мэдүүлэг өгөхөөс татгалзсан. Улмаар дараагийн өдөр нь Улаанбаатар хот руу буцсан. Сүхбаатар аймгийн цагдаагийн газрын мөрдөгчийн даалгавраар тухайн зургаан иргэнийг мөрдөн шалгах албан дээр дуудаж, мэдүүлэг авахад “Ямар нэгэн хүчингийн хэрэг болоогүй” гэж мэдүүлэг өгсөн. Тайлбар мэдүүлгийг Сүхбаатар аймгийн цагдаагийн байгууллагад хүргэж, гэмт хэргийн шинжгүй гэж үзээд хаасан гэв.

ЦЕГСҮХБААТАР АЙМАГНИЙСЛЭЛ