ЦЕГ: Үндэсний эвслийн байранд хойшлуулшгүй ажиллагаа явуулж байна

Үндэсний эвслийн сонгуулийн штабын байранд цагдаагийн байгууллагаас шалгалт хийсэн талаар өнөөдөр /2024.06.25/ мэдээлэл хийлээ.

Урьдчилан сэргийлэх газрын Хэвлэл мэдээлэл, олон нийттэй харилцах хэлтсийн дарга, цагдаагийн дэд хурандаа Г.Пүрэвдэлгэр:

-Цагдаагийн байгууллагад энэ оны зургадугаар сарын 25-ны өдрийн 12.22 цагт нийслэлийн Чингэлтэй дүүргийн нутаг дэвсгэрт байрлах Хөдөлмөрчдийн эвлэлийн ордонд гэмт хэргийн шинжтэй үйлдэлд болж байна гэсэн дуудлага мэдээлэл ирсэн. Мөн өдрийн 13.24 цагт сэтгүүлчид байгууллагын хэвийн үйл ажиллагааг алдагдуулж байна гэх мэдээлэл нэр бүхий иргэдээс ирүүлсэн. Иргэдээс ирүүлсэн гомдол мэдээллийн дагуу Чингэлтэй дүүргийн цагдаагийн Нэгдүгээр хэлтсээс алба хаагчид очиж, хойшлуулшгүй ажиллагаа явуулж байна.

Шалгалтын явцад одоогоор тухайн байранд олон тооны компьютер, техник тоног төхөөрөмжийг суурилуулан олон иргэн байрласан байсан.

Ямар үйл ажиллагаа явуулж байсныг шалгаж байна. Цагдаагийн байгууллага хуулийн дагуу иргэн, байгууллагаас ирсэн гомдол мэдээллийг шалгах үүрэгтэй. Үүргийнхээ дагуу тухайн асуудлыг шалгаж байна. Тухайн өдрийн 12.22 цагт эхний дуудлга, дараагийнх 13.24 цагт дуудлага ирсэн. Гэмт хэрэг зөрчлийн шинж байна уу гэдгийг шалгаж тогтооно. Сонгуультай холбоотой асуудлаар долоо хоног бүрийн Лхагва гариг мэдээлэл хийнэ. Тэр үеэр сонгуультай холбоотой мэдээлэл өгнө гэв.

ЦЕГУИХ-ЫН СОНГУУЛЬ-2024ҮНДЭСНИЙ ЭВСЭЛ