НҮБ-ын Хүүхдийн Сангийн Нийгмийн бодлого, Өсвөр үеийн хөгжил, Хүмүүнлэгийн асуудал хариуцсан мэргэжилтнүүд Завхан аймагт ажиллаж байна.
Ажлын хэсэг аймгийн Засаг дарга Г.Өнөрбаяр болон холбогдох хэлтэс, агентлагийн дарга нартай уулзалт хийж, НҮБ-ын Хүүхдийн сан аймгийн ЗДТГ-тай 2024-2025 онд хамтран ажиллах төлөвлөгөөний талаар ярилцав.
Түүнчлэн ажлын хэсэг аймгийн ГБХЗХГ, ХХҮГ, ЭМГ, Нэгдсэн эмнэлэг зэрэг газруудад ажиллах юм.
Мөн Идэр, Тэлмэн, Их-Уул сумдын зудын хариу арга хэмжээнд сэтгэцийн эрүүл мэндийн тусламж үйлчилгээний чанар, хүүхэд өрхийн амьжиргааны чиглэлээр нийгмийн хамгааллын нөхцөл байдалд дүн шинжилгээ хийх, хүртээмжийг сайжруулах, НҮБ-ын Онцгой байдлын нэгдсэн сангийн санхүүжилтээр хэрэгжүүлсэн зудын тусламжийн хэрэгжилтийн явцтай танилцна.
