Өвөлжилт хүндэрсэн аймаг, сумдын малчдад 12 сая төгрөгийн мөнгөн хандив өглөө

Шүүхийн шийдвэр гүйцэтгэх ерөнхий газраас өвөлжилт хүндэрсэн аймаг, сумдын малчдад дэмжлэг үзүүлэх зорилгоор 12.3 сая төгрөгийн мөнгөн хандив өглөө.

Монгол орны нийт нутгийн 80 гаруй хувьд цасан бүрхүүл тогтож, 7 аймгийн 27 суманд төмөр зудын нөхцөл үүсэж, өвөлжилт хүндэрсэн. Он гарсаар нэгдүгээр сарын 23-ны байдлаар 176 мянга гаруй мал хорогдсон гэж Онцгой байдлын ерөнхий газраас мэдээллээ.