Ц.Туваан: температур нэмэх хэм рүү орсон үед “хаврын морин уралдаан”-ыг зохион байгуулах тухай заалтыг тулгасан

Монгол УИХ-ын гишүүний хууль санаачлах бүрэн эрхийнхээ хүрээнд Ц.Туваан, Н.Ганибал нарын гишүүд “Үндэсний баяр наадмын тухай хууль”-д нэмэлт өөрчлөлт оруулах тухай хуулийн төслийг УИХ болон Засгийн газарт өргөн барьж буй талаар мэдээлэл өгөв. 

УИХ-ын гишүүн Ц.Туваан “Сүүлийн үед уяачид болон малчдын зүгээс маш их санал ирж байгаа. Тэр нь хаврын морины уралдаантай холбоотой асуудал. Мөн иргэдийн зүгээс нүүдэлчдийн монгол соёл, талын монголчуудын хүүхэд наснаасаа морь унах, морио дээдлэх ёс заншил алдагдаж буй талаар ярьсаар байна. Энэ тухай маш урт хугацааны судалгаа хийлээ.

Монголчууд онд мэнд орсоны баяраа цагаан сараар тэмдэглэдэг. Үүнтэй холбогдуулан шинийн 15-ны дотор урин хавартай золгосны баяр болгож морин уралдаан зохион байгуулдаг уламжлалтай. Үүнийг хүмүүс өвлийн морин уралдаан гэж буруу, мушгиж ярих нь бий.

Монголчуудын нүүдэлчин ахуй соёл хумигдаж, хотжих маягтай байна. Үүн дотор морьтой холбоотой өв соёл хоцрогдож байгаа. Морины өвлийн эдэлгээ, улирлын хувцасны соёл ч хоцрогдож байна. Мөн хүүхдийн эрх зөрчигдөж байгаатай холбоотоой асуудлыг ярьдаг. Хүүхдийн тэвчишгүй хөдөлмөр гэх зэрэг зүйлс бий. Үүнийг ч судалж үзсэн.

Энэ хуульд оруулж буй нэмэлт өөрчлөлт бол гадаа агаарын температур “нэмэх” хэм болсон тохиолдолд уралдааныг зохион байгуулах тухай юм.

Бас нэг сөрөг үзэгдэл бол хавар нь тал талаасаа цуглаж байгаад морио уралдуулах тохиолдол байна. Ямар нэгэн хүүхэд, мал эмнэлэг, байгууллагын хяналтгүйгээрг зохион байгуулах болжээ. Энэ бол хорих тусам эрсдэл нэмэгдэж байгаа асуудал юм. Түүнчлэн ӨМӨЗО-руу уяач, унаачид очиж морин уралдаан зохион байгуулах явдал ихсэж байна” гэв.