Яруу найрагч Ц.Хулан, лам Б.Отгонбаатар нарыг гадаад улсын тагнуулын албатай хамтран ажилласан гэж үзэн анхан шатны шүүхээс Ц.Хуланд 9 жил 6 сарын хорих ял, Б.Отгонбаатарт 8 жилийн хорих ял оноосон юм. Харин тэд уг шийдвэрийг эсэргүүцэн давж заалдсанаар, давж заалдах шатны шүүх гомдлыг хэлэлцэж, Ц.Хулангийн ялыг 8 жил 1 сар болгон хөнгөрүүлж, Б.Отгонбаатарыг Эрүүгийн хариуцлагаас чөлөөлсөн юм.
Харин шүүгдэгч Ц.Хулан, түүний өмгөөлөгч Ч.Өнөржаргал, Ж.Батхуяг нар давж заалдах шатны шүүхийн шийдвэрийг эсэргүүцэж, Улсын дээд шүүхэд гомдол гаргасан байна. Тус гомдлыг энэ сарын 24-нд Улсын дээд шүүхэд хаалттай хянан хэлэлцэхээр болжээ.
+ There are no comments
Add yours