О.Цогтгэрэл: Аж ахуйн үйл ажиллагаанд оролцох төрийн оролцоог хязгаарлах хэрэгтэй

“Аж ахуйн үйл ажиллагаанд оролцох төрийн оролцоог хязгаарлах тухай” УИХ-ын тогтоолын төслийг УИХ-ын гишүүн О.Цогтгэрэл санаачилжээ.

Маргааш болох УИХ-ын Эдийн засгийн байнгын хорооны хурлаар энэ төслийг хэлэлцэх, эсэхийг шийднэ.  

Төсөлд төрийн болон орон нутгийн өмчийн талаар дараах зарчмыг 2024 оны 07 дугаар сарын 01 хүртэл барьж ажиллахыг Монгол Улсын Засгийн Газар /Л.Оюун-Эрдэнэ/-т даалгасугай.
1/. Төрийн болон орон нутгийн өмчит үйлдвэрийн газар, төрийн өмчит болон төрийн өмчийн оролцоотой компанийг шинээр үүсгэн байгуулах, өөрчлөн байгуулах замаар нэмж бий болгох, өөрчлөн байгуулах хэлбэрээр нэмж бий болгох, эдгээрийг бий болгох зорилгоор хувьцаа худалдан авах, өрийг хувьцаагаар солихыг хориглох:
2/. Төрийн болон орон нутгийн өмчит үйлдвэрийн газар, төрийн өмчит болон төрийн өмчийн оролцоотой компанийн тооны дээд хязгаарыг 400 байхаар тогтоож, шинээр үүсгэх, өөрчлөн байгуулах шаардлага бий болсон тохиолдолд хувьчлах, хувьд шилжүүлэх, татан буулгах зарчмыг баримтлах:
3/. Төрийн өмчит хуулийн этгээдийн талаар цаашид авах арга хэмжээг бодлогын баримт бичигт тусган хэрэгжүүлэх шийдвэрийн төслийг боловсруулан Улсын Их Хуралд танилцуулах:
2. Энэ тогтоолын биелэлтэд хяналт тавьж ажиллахыг Монгол Улсын Хурлын Эдийн Засгийн байнгын хороо /Ж.Ганбаатар/, Төсвийн байнгын хороо /Г.Тэмүүлэн/ нарт үүрэг болгосугай хэмээн тусгажээ.