Автомашины торгуулийг 50 хувиар хөнгөрүүлнэ, эсхүл 50 хувиар нэмнэ гэх шийдвэр нийгэмд, олон нийтийн дунд ойлгомжгүй байдал үүсгээд байна.
Жолооч нар Замын хөдөлгөөний дүрэм зөрчсөн тохиолдолд Зөрчлийн тухай хуульд нэмэлт өөрчлөлт оруулж, хуулийн өөрчлөлтийг энэ оны нэгдүгээр сарын 1-нээс мөрдөж эхлээд байна. 2024 оны нэгдүгээр сарын 1-нээс өмнөх торгуулийг хөнгөлөхгүй.
Зөрчлийн тухай хуульд торгох шийтгэлийг хөнгөрүүлэх заалт оржээ. Тодруулбал, зөвхөн жолооч ч гэлтгүй ал“Зөрчил үйлдсэн хүн, хуулийн этгээд нь шүүх, эрх бүхий албан тушаалтнаас оногдуулсан торгох шийтгэлийг тогтоосон хугацаанд биелүүлсэн бол шийтгэлийг 50% хөнгөрүүлнэ”
Жишээлбэл. Урсгал сөрсөн жолоочийг 50 мянган төгрөгөөр торгодог. Зөрчлийг баталгаажуулсан торгуулийн хуудас гарсан өдрөөс хойш 14 хоногийн дотор төлөх ёстой байдаг. Хэрэв та энэ 50 мянган төгрөгийн торгуулийг 15 хоногийн дотор төлбөл 50 хувь хөнгөрөх бөгөөд та 25 мянган төгрөг төлөхөд л болох нь.. Харин урсгал сөрсний 50 мянган төгрөгийн торгуулиа 15 хоногийн дотор төлөхгүй бол 50 хувиар нэмэгдэж, та 75 мянган төгрөгийн торгууль төлөх юм. Хэрвээ 75 мянган төгрөгөө ч төлөхгүй бол нийтэд тустай ажил хийлгэх шийтгэл оногдуулахаар болжээ.
Мөн төрөөс үзүүлэх зарим үйлчилгээг хязгаарлах аж. Үүнд:
- Тээврийн хэрэгслийн эзэмшлийн шилжилт хөдөлгөөн хийх
- Тээврийн хэрэгсэл жолоодох эрхийн үнэмлэх авах, сунгах, ангилал нэмэх, өөрчлөх, нөхөн авах үйлчилгээг Тээврийн хэрэгслийн хөдөлгөөнийг торгох шийтгэлийг биелүүлж дуусах хүртэл хугацаанд хязгаарлах юм байна.
+ There are no comments
Add yours