Гурилын үйлдвэрийн агуулахад гал гарчээ

Гурилын үйлдвэрийн агуулахад өнөөдөр өглөө гал гарсан байна.

Энэ талаар ОБЕГ-аас “Улаанбаатар хот, Баянгол дүүрэг 5 дугаар хороо, “Улаанбаатар гурил” ХХК гурилын үйлдвэрийн агуулах шатаж байна гэсэн дуудлагыг өнөөдөр 06:38 цагт хүлээн авсан.

Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид ажиллаж, гал түймрийн тархалтыг 07:30 цагт зогсоолоо.

Одоо гал түймрийг бүрэн унтраахаар ажиллаж байна” хэмээн мэдээллээ.