“Хорих ял эдэлж байгаа Д.Мөнх-Эрдэнийг суллаагүй”

Гурван жилийн хорих ялаар шийтгүүлсэн Консул асан Д.Мөнх-Эрдэнийг сулласан гэх мэдээлэл гараад буй.

Энэ талаар шүүхийн эх сурвалжаас тодруулахад “Д.Мөнх-Эрдэнийг суллаагүй. Түүнийг Сэлэнгэ аймгийн Мандал сум дахь 413 дугаар хорих ангиас Нийслэлийн Баянзүрх дүүргийн 441 дүгээр хорих ангид шилжүүлэн хорьж байгаа” хэмээн мэдээлэв.

2023 оны дөрөвдүгээр сард шүүхээс түүнийг хүний нэр төр, алдар хүнд, ажил хэргийн нэр хүндэд халдсан худал мэдээллийг тараасан, бүрэн эрх, албан тушаалын байдлаа урвуулан ашиглаж их хэмжээний хохирол учруулсан зэрэг дөрвөн зүйл ангиар гэм буруутайд тооцож, нийтийн албанд ажиллах эрхийг таван жил хасаж, гурван жил 10 сарын хорих ялыг оноожээ.