Талийгаачийн хүү: Аав минь С.Бямбацогт сайдын уулзалтад оролцоод, гэр рүүгээ явах замдаа осгочихсон

С.Бямбацогт сайдын уулзалтад орохоор гэрээсээ гарсан Мянгад сумын малчин осгож, нас барсан байж болзошгүй. Тодруубал, С.Бямбацогт сайд эдгээр өдрүүдэд Ховд аймгийн иргэдтэй уулзах уулзалтыг зохион байгуулж байгаа. Тэрбээр арваннэгдүгээр сарын 25-нд Мянгад сумын иргэдтэй уулзалт хийсэн бөгөөд түүний уулзалтад оролцсон 63 настай Н гэх малчин осгож, амиа алдсан гэх.

       Тодруулбал, тус сумын Баянхошуу багийн малчин Н нь арваннэгдүгээр сарын 25-ны 18:00 цагийн орчимд сумын Соёлын төвд уулзалтад оролцохоор гэрээсээ гарчээ. С.Бямбацогт сайдын уулзалтад оролцоод сураггүй болсон учир ар гэрийнхэн нь арваннэгдүгээр сарын 28-нд Онцгой байдлын газарт дуудлага өгсөн байна. Дуудлагын дагуу таймгийн Онцгой байдлын газрын Эрэн хайх, аврах ангийн алба хаагчид сумын Цагдаагийн хэсгийн хоёр алба хаагч, сумын мэргэжлийн ангийн 35 хүн, ар гэрийн 20 хүнтэй хамтран эрэн хайж, нэг хоногийн дараа цогцсыг нь сумын төвөөс 1.5 км-ийн зайд байлах газраас олсон гэх.

       Бид талийгаач Н-ийн хүүтэй холбогдож, энэ талаар тодруулахад “Аав минь С.Бямбацогт сайдын уулзалтад оролцохоор хөдөө гэрээсээ сумын төвд ирсэн. Сумын Соёлын төвд уулзалтад оролцоод, 21:00 цагийн үед гарсан юм билээ. Тэгээд гэр рүүгээ буцах замдаа нас барсан харамсалтай зүйл болоод байна. Энэ талаар дэлгэрэнгүй мэдээлэл өгмөөргүй байна” гэлээ.

Эх сурвалж: Ergelt.mn