Био Комбинатад байрлах Зэвсэгт хүчний 326 дугаар ангид өнгөрсөн аравдугаар сард цэрэгт татагдсан 21 настай оюутан нас барсан харамсалтай хэрэг өнөө өглөө гарчээ.
Одоогийн байдлаар ар гэрийнхний хэлж байгаагаар “хүүг нь унтаад сэрээгүй, ирж гарын үсэг зур” хэмээн хэлсэн гэв.
Ингээд ар гэрийн зүгээс 326 дугаар ангийн гадна дарга, удирдлагуудаас нь болсон хэргийн талаар мэдээлэл авахаар одоо болтол хүлээж байгаа юм. Талийгаачийн аав зариг.мн сайтад мэдээлэл өгөхдөө “Би энд үхсэн хүүр авна гэж бодоогүй. Задлан шинжилгээ хийнэ гэж зөвшөөрөл ч аваагүй шууд задлан хийсэн байсан. Манай хүү 3 удаагийн эмчийн үзлэгээр эрүүл хэмээн гарч цэрэгт тэнцээд явсан. Гэтэл 24 хоногийн дараа унтаад сэрээгүй гэдэгт итгэхгүй байна” гэв.
Цэргийн ангиас одоогийн байдлаар албан ёсны тайлбар, мэдээлэл өгөөгүй байгаа аж. Өнөөдөр 15 цагийн орчимд цагдаагийн байгууллагад мэдэгдсэн гэв. Одоогийн байдлаар ангийн захирагч, Зэвсэгт хүчний жанжин штабаас ямар ч мэдээлэл өгөөгүй байгаа юм.
Бүтэн хоёр цаг 326 дугаар ангийн гадна талийгаачийн эцэг, эх албаныхнаас мэдээлэл, болсон явдлын талаар сонсож уулзах гээд хүлээж байгаа юм.
Цагдаагийн байгууллагаас уг хэрэгт мөрдөн шалгах ажиллагааг явуулж байна. Албаны эх сурвалжийн хэлж байгаагаар одоогийн байдлаар ил харагдах шарх сорви байхгүй байсан гэв. Ямартай ч мөрдөн шалгах ажиллагаагаар илүү тодорхой мэдэгдэнэ гэлээ.
+ There are no comments
Add yours