Нөхрөө хөнөөсөн хэргээр шалгагдсан Хаан банкны ажилтан Ж.Мөнхтулгын хэргийг хэрэгсэхгүй болгожээ

Баянгол дүүргийн иргэн Э нь 2018 оны арваннэгдүгээр сарын 2-оос 3-нд шилжих шөнө гэртээ зүрхэн тус газраа хутгалуулан нас барсан хэрэгт талийгаачийн эхнэр Ж.Мөнхтулгыг холбогдуулан удаан хугацаанд хуулийн байгууллага шалгаж байна.

Ж.Мөнхтулга нь Хаан банкинд эдийн засагчаар ажилладаг. Өнгөрсөн хугацаанд түүнд холбогдох хэргийг прокурорын байгууллагаас хэд хэдэн удаа мөрдөн байцаалтад буцааж, хэргийг нягталж шалгасан байна. Энэ хэрэгт талийгаачийн эхнэр Ж.Мөнхтулгыг гэм буруутай хэмээн прокурорын байгууллага яллах дүгнэлт үйлдэж, Эрүүгийн хуулийн 10.1-т зааснаар хүний амь хөнөөсөн хэргээр буруутгасан.

Гэвч Баянгол дүүргийн прокурорын байгууллага хэргийг хэрэгсэхгүй болгох шийдвэр гаргасан байна. Хохирогч Э-гийн ээжийн хувьд хуулийн байгууллагын шийдвэртэй санал нийлэхгүй байгаа аж.