Туул голд сэлэх гэсэн 24 настай залуу живж амиа алджээ

Өчигдөр буюу 6-р сарын 29-ний өдөр Туул голд сэлэх гэсэн иргэн живж амиа алджээ.

Төв аймгийн Заамар сумын Тосон баг, “Гадны хүний-Овоо” гэдэг газар /аймгийн төвөөс баруун хойд зүгт 266 км, сумын төвөөс баруун хойд зүгт 40 км/-т Туул голын усанд 1 хүн сэлэх гэж байгаад живсэн тухай дуудлагыг зургаадугаар сарын 29-ний өдрийн 12:55 цагт Онцгой байдлын Ерөнхий газар хүлээн авчээ. Дуудлага мэдээллийн дагуу тус аймгийн Онцгой байдлын газрын Эрэн хайх, аврах салбарын алба хаагчид, тус сум дахь Цагдаагийн хэлтсийн алба хаагчид очиж,М /24 настай, эрэгтэй/-ыг эрэн хайх ажиллагааг 20:10 цагт эхлүүлж анх осолдсон газар 8 удаагийн шумбалт хийж, 7 метрийн гүнээс 21:05 цагт цогцсыг олж гарган тус сум дахь Цагдаагийн хэлтэст шилжүүлэн өгсөн байна.