Польш улсын мал эмнэлгийн газартай хамтран ажиллах санамж бичиг байгуулжээ

Бүгд Найрамдах Польш Улсын Ерөнхийлөгч Анджей Дуда 04 дүгээр сарын 24-26-ны өдрүүдэд Монгол Улсад төрийн айлчлал хийж байгаа бөгөөд айлчлалын үеэр Мал эмнэлгийн ерөнхий газар Бүгд Найрамдах Польш Улсын Мал эмнэлгийн хяналтын газар хооронд Мал эмнэлгийн салбарт хамтран ажиллах тухай харилцан ойлголцлын санамж бичигт гарын үсэг зурлаа.

Санамж бичгийн хүрээнд хоёр улсын дотоодын эдийн засгийг төрөлжүүлэх, тэр дундаа мал эмнэлгийн салбарын хамтын ажиллагааг өргөжүүлэн хөгжүүлэх, мэргэжилтэн, мэдээлэл солилцох, мал, амьтан, тэдгээрийн гаралтай бүтээгдэхүүн, малын тэжээл, мал эмнэлгийн эм, биобэлдмэлийг экспортлох үеийн мал эмнэлэг, хорио цээрийн нөхцөл, шаардлагыг харилцан тохиролцох, түүнчлэн мал, амьтны гоц халдварт өвчин гарах, тархахаас урьдчилан сэргийлэх, шаардлагатай арга хэмжээг хэрэгжүүлэх, хяналт тавьж хамтран ажиллахаар тохиролцов.

МАЛ ЭМНЭЛГИЙН ЕРӨНХИЙ ГАЗАР