Гадаа тоглож байгаад алга болсон хүүг малынхаа хашаанаас олжээ

Завхан аймгийн Сонгино суманд бага насны хүүхэд сураггүй алга болсон тухай дуудлага дөрөвдүгээр сарын 7-ны 01:17 цагт бүртгэгджээ.

Тодруулбал, тухайн хүүхэд долоон настай бөгөөд дөрөвдүгээр сарын 6-ны 20:00 цагийн орчимд гэрийнхээ гадаа тоглож байгаад алга болсон байна.

Дуудлага мэдээллийн дагуу аймгийн Онцгой байдлын газрын Сонгино сум дахь Эрэн хайх, аврах бүлэг, цагдаагийн хэсгийн алба хаагчид, сумын тамгын газрын ажилтнууд энэ сарын 7-ны 02:00 цагаас хүүг хайж эхэлжээ.

Эрэн хайх ажиллагааг зохион байгуулж, хоёр цагийн дараа буюу 04:30 цагт малынхаа хашаанд унтаж байхад нь эсэн мэнд олсон аж.