Хөвсгөл аймгийн Галт сумын нутаг аймгийн төвөөс урагш 130км-т, сумын төвөөс зүүн зүгт 60 км-т орших Зүрх багийн нутаг Дээд гарам хэмээх газарт Идэрийн голын мөс цөмөрч суудлын автомашин суусан байна. Энэ ослын дуудлага өнгөрсөн баасан гараг буюу гуравдугаар сарын 31-ний 17:40 цагт аймгийн Онцгой байдлын газарт иржээ.
Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид, Галт сум дахь Гал түймэр унтраах, аврах 76 дугаар ангийн алба хаагчид ажиллаж, автомашиныг татан гаргасна байна.
Он гарсаар бүртгэгдсэн гол, нуурын мөсөнд цөмөрсөн 14 дуудлагаар Онцгой байдлын байгууллагын алба хаагчид үүрэг гүйцэтгэн, 21 иргэний амийг аварч, 10 тээврийн хэрэгслийг татан гаргаад байна гэж Онцгой байдлын ерөнхий газраас мэдээллээ.
+ There are no comments
Add yours