Өвөрхангай аймгийн Зүүнбаян-Улаан сумын Дэвшил багийн “Ар задгай” гэдэг газар суудлын автомашин ачааны машины араас мөргөсний улмаас шатжээ. Уг ослоор Говь-Алтай аймгийн Есөнбулаг сумын харьяат иргэн Л /25 настай, эрэгтэй/, Г /32 настай, эмэгтэй/ нар гэмтсэн байна.
Энэ тухай дуудлага өнөөдөр үүрийн 04:14 цагт онцгой байдлын байгууллагад ирсэн байна. Улаанбаатар хотоос Говь-Алтай аймгийн чиглэлд явж байсан иргэн Л приус-30 загварын суудлын автомашинаараа Улаанбаатар хотоос Баянхонгорын чиглэлд зорчиж явсан иргэн Б-ын “Супергреат” загварын ачааны автомашины араас мөргөсний улмаас машин нь шатжээ.
Тус аймгийн Онцгой байдлын газрын Гал түймэр унтраах, аврах 12 дугаар ангийн алба хаагчид галыг 20 минутад унтрааж, гэмтсэн хүмүүсийг Өвөрхангай аймгийн Бүсийн оношлогоо эмчилгээний төвд хүргүүлсэн байна.
+ There are no comments
Add yours