Хориг цуцлагдсанаар Австралиас импортлох БНХАУ-ын нүүрсний хэмжээ энэ сарын эхний хагасын байдлаар нэг сая тонн хүрэх боломжтой.
БНХАУ Австралийн нүүрсний импортод тавьсан үлдсэн бүх хоригоо цуцаллаа. Хоёр улсын хоорондын улс төрийн хурцадмал байдалтай холбоотойгоор хоригийг 2020 оны эцсээр тогтоосон. Ийнхүү хориг цуцлагдсанаар Австралиас импортлох БНХАУ-ын нүүрсний хэмжээ энэ сарын эхний хагасын байдлаар нэг сая тонн хүрэх боломжтой гэж үзэж байна.
Мөн энэхүү алхам нь хоёр улсын харилцааг эргэн сэргээх чухал алхам болж байна гэж Австралийн Ерөнхий сайд мэдэгджээ.
Хориг тогтоохоос өмнө БНХАУ Австралийн нүүрсний гол хэрэглэгч орон байсан юм. БНХАУ нь өнгөрсөн онд 290 сая тонн нүүрс импортолсон. Өөрөөр хэлбэл нүүрсний олборлолт, хэрэглээгээр дэлхийд тэргүүлж байна.
Дээрх мэдэгдлийн дараа “Yancoal Australia”, “New Hope” зэрэг Австралийн нүүрсний компаниудын хувьцааны ханшийн уналт саарчээ. Харин БНХАУ-ын нүүрсний фьючерс үнэ үргэлжлэн унаад байна.
+ There are no comments
Add yours