Хүнс, хөдөө аж ахуйн хөнгөн үйлдвэрийн сайдын тушаалаар батлагдсан “Төгсөлтийн дараах үргэлжилсэн сургалт явуулах болон малын эмчид итгэмжлэл олгох, түдгэлзүүлэх, цуцлах журам”-ын хүрээнд 2023 оны эхний хагас жилийн итгэмжлэлийн сургалтууд батлагдсан хөтөлбөрийн дагуу зохион байгуулагдаж эхэллээ.
Мал эмнэлгийн ерөнхий газраас энэ удаагийн сургалтыг 2023 оны 1 дүгээр сарын 30-наас 2 дугаар сарын 03-ны өдрүүдэд Мал эмнэлгийн хүрээлэнтэй хамтран зохион байгуулж байгаа бөгөөд сургалтад Улаанбаатар, Дундговь, Архангай, Төв, Булган, Сэлэнгэ, Дархан-уул аймгийн 43 малын эмч, мэргэжилтэн хамрагдаж байна.
Энэ оноос малын эмчийн итгэмжлэлийн сургалтууд Мал эмнэлгийн нэгдсэн системийн бүрэлдэхүүн хэсэг болох Мал эмнэлгийн хүний нөөцийн хөгжил, удирдлагын системээр зарлагдан малын эмч, мэргэжилтэн нарын төгсөлтийн дараах үргэлжилсэн сургалтын мэдээллийн сан үүсгэж байгаагаараа онцлог юм.
Малын эмчид орчин үеийн шинэ мэдлэг, мэдээллийг олгон мэдлэг чадварыг тасралтгүй хөгжүүлснээр чанартай мэргэжлийн үйлчилгээг малчин, мал бүхий иргэд, аж ахуйн нэгжүүдэд үзүүлэх ач холбогдолтой юм.
