О.Мөнхжин, Б.Гантиг, Б.Эрхэмбаяр нарыг суллаж, хилийн хориг тавижээ

IHC койн гаргаж, иргэдээс 30 тэрбум төгрөг татан төвлөрүүлсэн “Их бит” ХХК-ийн хувьцаа эзэмшигч нар нь татан төвлөрүүсэн хөрөнгийг зориулалтын бусаар зарцуулсан гэх үндэслэлээр Цагдаагийн байгууллагаас шалгалтын ажиллагаа явуулсан. 

Дээрх шалгалтын хүрээнд нэр бүхий хүмүүсийн оффис болон гэрт нэгжлэг хийж, хоёрдугаар сарын 1-2-нд шилжих шөнө тус хэрэгт холбогдуулан шалгагдаж байгаа О.Мөнхжин, Б.Гантиг, Б.Эрхэмбаяр нарыг баривчлан ШШГЕГ-ын харьяа Урьдчилан хорих 461-р ангид саатуулсан.

Тэгвэл О.Мөнхжин нарыг үргэлжлүүлэн хорих саналыг прокурорын байгууллагаас харьяа шүүхэд хүргүүлсэн бөгөөд тэднийг үргэлжлүүлэн хорих эсэхийг шийдвэрлэх хурал өнөөдөр /2023.02.06/ Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд боллоо.

Шүүх бүрэлдэхүүн хэлэлцээд О.Мөнхжин, Б.Гантиг, Б.Эрхэмбаяр нарыг суллаж, хилийн хориг тавижээ.