Нийтийн байранд гал гарсны улмаас нэг иргэн амиа алджээ

Нийслэлийн Баянзүрх дүүргийн 2 дугаар хороонд байрлах нийтийн байранд өчигдөр /2022.02.01/ 08:33 цагийн орчимд гал гарчээ.
Галын дуудлагын дагуу Чингэлтэй дүүргийн Онцгой байдлын хэлтсийн Гал түймэр, унтраах 10 дугаар ангийн алба хаагчдыг очиход хоёр давхар нийтийн байр шатаж байсныг 20 минут ажиллаж унтраасан байна.

Гал түймэрт иргэн М /25 настай, эрэгтэй/ угаартаж ухаан алдсан байсныг гаргаж Яаралтай түргэн тусламжийн төвд, иргэн О /50 настай, эмэгтэй/ угаартаж нас барсан тул цогцсыг гаргаж тус дүүрэг дэх цагдаагийн хоёрдугаар хэлтсийн жижүүрийн бүрэлдэхүүнд шилжүүлэн өгсөн.

Гал гарсан шалтгааныг тогтоохоор тус цагдаагийн хэлтсээс мөрдөн шалгах ажиллагаа явуулж байгаа. Иймд иргэд та бүхэн гарч болзошгүй галын аюулаас урьдчилан сэргийлэхийг анхааруулж байна.

Эх сурвалж: ОБЕГ

+ There are no comments

Add yours