Хилийн автозамын боомтууд энэ сарын 22-24-нд амарч байна

Хилийн автозамын боомтууд энэ сарын 22-24-нд амарч байна

БНХАУ-д Сар шинийн баяр болж буйтай холбоотойгоор тус улстай хиллэдэг манай улсын хилийн автозамын боомтууд нэгдүгээр сарын 22-24-нд амарч байна. Үүнд, Замын-Үүд, Баянхошуу, Булган, Ханги, Гашуунсухайт, Шивээхүрэн, Бургастай, Бичигт, Хавиргын боомтууд орж байна. Харин Байтаг, Сүмбэр, Даянгийн автозамын боомтууд түр ажиллагаатай тул түр хаагдаад байгаа юм.

“Хилийн боомт, тэдгээрийн дэглэмийн тухай” Монгол Улс, БНХАУ-ын Засгийн газрын 2004 оны хэлэлцээрийн 4.3-т заасны дагуу талуудын албан ёсны баяр, амралтын өдрүүдэд хилийн боомтыг хаадаг талаар Гаалийн ерөнхий газраас мэдээллээ.

Олон улсын гал тэрэг Замын-Үүдийн төмөр замын боомтоор цагийн хуваарийн дагуу нэвтрэн зорчиж байна. Төмөр замын боомт нь талуудын хоорондын холбогдох хэлэлцээрт заасан төмөр замын цагийн хуваарийн дагуу ажиллах бөгөөд баяр, амралтын өдрүүд болон боомтын ажиллах хугацааны хязгаарлалтад хамрагдахгүй гэж заасны дагуу дээрх зохицуулдаг байна.

Leave a Reply

Your email address will not be published. Required fields are marked *