УЕПГ: Улсын хэмжээнд хилийн хориг тавигдсан 822 хүн байгаа

Улсын ерөнхий прокурорын газраас 2022 онд хүний эрх зөрчигдсөн асуудлаар болон хүний эрхийг сэргээх, байгууллагын үйлчилгээг иргэдэд хүргэх чиглэлээр хийсэн ажлаа танилцуулж байна.

Мөн Нийслэлийн прокурорын газраас хяналт тавьсан зарим гэмт хэргийн шийдвэрлэлт, явцын талаар мэдээллээ.

Хэрэг бүртгэл мөрдөн байцаах ажиллагаанд хяналт тавих хэлтсийн хяналтын прокурор Б.ДОЛГИОН:

-Нийт 103 мянга 451 гэмт хэргийн талаарх гомдол мэдээлэлд прокурорын байгууллагаас хяналт тавьж ажилласан. Энэ нь өмнөх оноох 35.6 хувиар өссөн үзүүлэлт. Нийт хяналт тавьсан гомдлын 96 хувийг Цагдаагийн ерөнхий газар, гурван хувийг АТГ, 0.1 хувийг ТЕГ-аас мөрдөн шалгах ажиллагаа явуулсан. Зонхилон үйлдэгдэж байгаа гэмт хэргийг төрлөөр нь авч үзвэл:

• 31 хувийг хулгайлах
• 24.1 хувийг залилах
• 3.2 хувь мал хулгайлах
• 11 хувь нь хүний эрүүл мэндэд хохирол учруулах
• 2.2 хувь нь завших
• 2.7 хувь замын хөдөлгөөний аюулгүй байдалд зөрчил үйлдэх хэрэг эзэлж байна.

Хяналт тавьсан нийт хэргүүдийн 53 хувийг өнгөрсөн онп шийдвэрлэсэн байгаа.

Түүнчлэн хилийн хоригийн талаарх мэдээллийг өгсөн юм. Эрүүгийн хэрэг хянан шийдвэрлэх тухай хуульд үндэслэсэн үндэслэл журмын дагуу бол хилийн хориг тавигддаг. Хилийн хоригийг оргон зайлахаас сэргийлэн зорилгоор өөрөөр хэлбэл, эрүүгийн хэрэг үүсгэж яллагдагчаар татагдсан хүнд прокруроос санал гаргаж, шүүхээс шийдвэрлэдэг таслан сэргийлдэг арга хэмжээ байгаа. Нүүрсний болон хөгжлийн банктай холбоотой хэргийг шүүхэд шилжүүлсэн байгаа. Нүүрсний хэрэгт эрүү үүсгэж яллагдагчаар татагдсан хүмүүст бол эрүүгийн хэргийн хянан шийдвэрлэх хуульд заасны дагуу мөрдөгч өөрөө авах таслан сэргийлэх арга хэмжээ байгаа, мөн прокророос авах таслан сэргийлэх арга хэмжээ байгаа. Монгол Улсын хэмжээнд нийт судалгаагаар 822 хүн хилийн хориг тавигдсан. Энэ нь нийт таслан сэргийлэх арга хэмжээнийхээ 4.4 хувийг эзэлж байгаа.