“Алтайн малчдын түншлэл-88” төсөл хэрэгжүүлэх малчдын төлөөлөл Улаанбаатар хотод үйл ажиллагаа явуулдаг ноос, ноолуур, арьс шир худалдан авч, боловсруулдаг, экспортолдог, эцсийн бүтээгдэхүүн үйлдвэрлэдэг, аж ахуй нэгж, компаниудын үйл ажиллагаатай танилцлаа.
“Ханбогд Кашемир” компани нь 1998 онд үүсгэн байгуулагдсан бөгөөд дэлхийд танигдсан брендүүдийн өндөр зэрэглэлийн чанарын шаардлагад нийцсэн самнасан ноолуурыг 20 гаруй жилийн турш Англи, Итали, Хятад, Герман, Энэтхэг, Япон, Солонгос зэрэг улсуудад бэлтгэн нийлүүлсээр ирсэн ноолуурын экспортоор тэргүүлэгч компани юм.
Тус компаний үйл ажиллагаатай танилцсанаар малчид өөрсдийн хотноос бэлтгэгдсэн ноолуур ямар шат дамжлагаар дэлхийн тавцанд хүрдгийг нэг бүрчлэн судлаж, мэдсэн юм.
