Энэ оны эхний есөн сард Монголбанк болон банкнуудын эх үүсвэрээр 494.8 тэрбум төгрөгийн хөнгөлөлттэй хүүтэй ипотекийн зээлийг 5.9 мянган өрхөд олгосон байна.
Ипотекийн зээлийн хөтөлбөрийг 2023 онд багтаан Монголбанк Засгийн газарт шат дараатай шилжүүлэх бэлтгэл ажлаа хангаж байгаагаа мэдээлсэн юм. Анхны төлөвлөгөөгөөр хөтөлбөрийн хүрээнд хоёр их наяд төгрөгийн зээл олгохоос одоогоор 1.5 их наяд төгрөг олгоод байгаа аж.
Даваа гарагт УИХ дахь МАН-ын бүлгийн хурлаар ипотекийн зээлийн эргэн төлөлтийг дахин 2023 оны долоодугаар сар дуустал хойшлуулах санал гаргаад байгааг мэдээлсэн юм.
Харин Монголын Банкны Холбоо болон эдийн засагчид эргэн төлөлтийг дахин хойшлуулбал санхүүжилтийн тогтолцоонд хүндрэл учрах эрсдэлтэйг анхааруулж байна.
Цар тахлын хуулийн дагуу 2020 оноос хойш нийт таван удаагийн хойшлуулалтаар 3.4 их наяд төгрөгийн зээлийн 195.1 тэрбум төгрөгийн зээлийн төлбөрийг хойшлуулжээ.
+ There are no comments
Add yours