Согтуу иргэн цагдаагийн байр руу хоёр удаа буудаад зугтжээ

Архангай аймгийн нутагт цагдаагийн байр руу буугаар буудсан хэрэг гарчээ.

Тодруулбал, Есдүгээр сарын 05-ны өдрийн 06:20 цагийн үед Архангай аймгийн Тариат сумын цагдаагийн тасгийн байр руу “Мотоциклотой этгээд том буугаар 2 удаа буудсан” гэх дуудлага, мэдээлэл бүртгэгдсэн.

Дуудлагын дагуу аймгийн цагдаагийн газраас шалгалтын ажиллагаа явуулахад тус суманд оршин суух хаягтай, 38 настай, эрэгтэй “Ш” гэгч нь согтуурсан үедээ цагдаагийн тасгийн байр луу “Карбин” маркийн галт зэвсгээр 2 удаа буудаж, зугтаасныг шуурхай эрэн сурвалжилж, илрүүлэн, мөрдөн шалгах ажиллагааг үргэлжлүүлж байна.

Хэргийн улмаас бэртэж, гэмтсэн хүн байхгүй бөгөөд дээрх этгээд согтууруулах ундааны зүйл хэрэглэсэн үедээ тээврийн хэрэгсэл жолоодож зөрчил үйлдсэн учир цагдаагийн алба хаагчид тээврийн хэрэгслийг түр саатуулсан байжээ.