Д.Эрдэнэбилэгийг суллаж, хилийн хориг тавьжээ

Шүүхээс яллагдагч Д.Эрдэнэбилэгийн биеийн эрүүл мэндийн байдал, Авлигатай тэмцэх газар болон шүүхэд хандан Хөгжлийн банкнаас авсан зээл, хохирол төлбөрийг төлж барагдуулна гэсэн хүсэлтийг үндэслэн түүнд авсан цагдан хорих таслан сэргийлэх арга хэмжээг өөрчилжээ.

Тухайлбал, яллагдагч Д.Эрдэнэбилэгийн биеийн эрүүл мэндийн байдлын талаар хорих ангийн нэгдсэн эмнэлгийн хариуцсан эмч, эмнэлгийн Комиссын шийдвэр зэргээс үндэслэн яллагдагч Д.Эрдэнэбилэгийн цагдан хорих таслан сэргийлэх арга хэмжээг цаашид зайлшгүй үргэлжлүүлэх шаардлагагүй гэж үзжээ. Тиймээс Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авахаар шийдвэрлэсэн байна.