“Галын алхалт” гэж нэрлэсэн зан үйл үйлдсэн 25 хүн түлэгджээ

Хэсэг бүлэг этгээдүүд нийлэн нүүрсний халуун цогон дээгүүр алхах зан үйл хийж байх үеэр 25 хүн түлэгдэж, эмнэлэгт хүргэгдсэн хэрэг Швейцарьт гарчээ. Олон хүн нэгэн зэрэг түлэгдсэн тул дуудлагад түргэн тусламжийн 10 машин дайчлахад хүрсэн байна. ВВС энэ талаар мэдээллээ.

Хөлөө түлсэн хүмүүсийн 13 нь илүү гүн түлэгдэлтэй, биеийн байдал нь хүнд байгаа аж. Дээрх хүмүүс “Галын алхалт” гэж нэрлэдэг зан үйлийг хийж байхдаа ийнхүү бүтэлгүйтсэн аж. Нүүрсний халуун цог, нурман дээгүүр алхах нь эрчим хүч, урам зориг өгдөг гэдэг үзэл байдаг. Гэмтсэн хүмүүс ийм зорилгоор Ау хойг гэх газар цуглаад байжээ.