“Ажилтай айл” хөтөлбөрт 30 өрх хамрагдлаа 

Иргэдийн амьдралын чанарыг дээшлүүлэхээр “Ажилтай айл” хөтөлбөрт хамрагдсан  30 өрхөд нийт 150 ширхэг чацарганы суулгацыг  өглөө.

4-р сарын 25-наас эхлэн шилжин суурьшигч өрхүүдийг судалгаанд хамруулж, мод тарих газрыг бэлдүүлсэн аж. Баянзүрх дүүргийн 21-р хороонд улсад бүртгэлгүй, задгай гэсэн хаягтай 1000 гаруй өрх аж төрж байна.  

НҮБ-ын Шилжилт, хөдөлгөөний байгууллага, Швейцарын хөгжлийн агентлагын дэмжлэгээр хэрэгжиж байгаа “Хариуцлагатай, соёлтой шилжин суурьшигч” төслийг “Шударга дэнс төв” ТББ Улаанбаатар хотод хэрэгжүүлж байна. Үүний зэрэгцээ 40 гаруй өрхөд 10 төрлийн хүнсний тогооны үр олгох ажлыг 5-р сард багтаан хийж байгаа аж. Мөн 40 орчим шилжин суурьшигчийг бичиг баримтын зөрчил арилгах үйлчилгээнд хамруулах зэргээр олон ажил хийхээр төлөвлөжээ.