“Эх дэлхий” залуучуудын хөтөлбөрт шалгарсан сурагч, залуучуудын төлөөлөлтэй уулзалт хийжээ

Орхон аймгийн Засаг Даргын Тамгын газар, Байгаль Орчин Аялал Жуулчлалын газар, Сэлэнгэ голын сав газрын захиргаанаас хамтран “Эх дэлхийн цаг” арга хэмжээний хүрээнд зохион байгуулсан “Эх дэлхий” залуучуудын манлайллын хөтөлбөрт шалгарсан сурагчид, залуучуудын төлөөлөлтэй уулзалт хийж, Хангал голын бохирдлыг бууруулах чиглэлээр санаачилж буй “Цэвэр байгальд цэнгэг ус” бичил төсөл, арга хэмжээг дэмжих, судалгаа мэдээллээр хангах, цаашид хамтран ажиллахаар ярилцлаа.

Байгаль орчноо хамгаалах үйлсэд үе тэнгийн хүүхдүүдээ манлайлан оролцож, санал бодлоо солилцсон “Эх дэлхий” баг Орхон аймгийн 4-р сургуулийн 10а ангийн сурагч Б.Маралмаа, 3 дугаар сургуулийн 11а ангийн сурагч Э.Энхжин, 1-р арван жилийн сургуулийн 10б ангийн сурагч Э. Цацрал, 13-р сургуулийн 11а ангийн сурагч Г.Эрдэнэсувд болон залуучуудын төлөөлөл У.Билгүүн нартаа талархлаа.

ОРЧНЫ БОХИРДЛЫГ БУУРУУЛАХ ҮНДЭСНИЙ ХОРООНЫ АЖЛЫН АЛБА