Айлын гэр шатсаны улмаас, 25 мянган га талбай шатжээ

Хэнтий аймгийн төвөөс зүүн урд зүгт 27 км-т Баянхутаг сумын “Улаан-Өндөр” багийн “Баянхайрхан” гэдэг газарт малчин О-ын 5 ханатай гэр шатаж, улмаар хээрийн түймэр гарчээ.

Энэ талаарх дуудлагыг өчигдөр буюу дөрөвдүгээр сарын 03-ны 11:45 цагт хүлээн авсан байна. Тус аймгийн Онцгой байдлын газрын алба хаагчид, орон нутгийн иргэд 20 км замыг туулан очиж, 19:25 цагт түймрийг цурамд оруулж, 22:30 цагт бүрэн унтраажээ. Түймэрт 25000 га хээрийн талбай шатсан байна хэмээн ОБЕГ-аас мэдээллээ.