Байлдагчаа зодож, хөнөөсөн салаан дарга 14 жилийн хорих ял сонслоо

Зэвсэгт хүчний 326 дугаар ангийн салаан дарга Г байлдагчаа зодож амийг нь хөнөөсөн хэрэг өнгөрөгч гуравдугаар сард гарсан.

Хан-Уул дүүргийн Прокурорын газраас салаан дарга Г-д холбогдуулан Эрүүгийн хуулийн тусгай ангийн 10.1 дүгээр зүйлийн 1 дэх хэсэгт зааснаар “ Хүнийг алах”, 28.3 дугаар зүйлийн 1 дэх хэсэгт зааснаар “ дарга захирагч нь захирагдагчдаа хүч хэрэглэх” гэмт хэрэгт яллах дүгнэлт үйлдэж ирүүлсэн хэргийг шүүхэд шилжүүлээд байв.

Хан-Уул дүүргийн Эрүүгийн хэргийн анхан шатны шүүх өчигдөр /2021.12.14/ хянан хэлэлцлээ. Шүүхээс шүүгдэгч Г-д Эрүүгийн хуулийн тусгай ангийн 28.3-1-д зааснаар ял сонсгож ирүүлснийг Өршөөлийн хуульд зааснаар хэрэгсэхгүй болгож, мөн хуулийн 10.1-1-д зааснаар 14 жилийн хугацаагаар хорих ял шийтгэж, нээлттэй хорих байгууллагад эдлүүлэхээр шийдвэрлэв.

Эх сурвалж: Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн тамгын газар