Селена Гомез “Revelación” цомогоороо анх удаа Грэммид нэр дэвшжээ

Дуучин Селена Гомез “Revelación” хэмээх латин хөгжмийн цомгоороо Грэммийн наадамд нэр дэвшсэн байна. Энэ нь дуучин бүсгүйн хувьд анх удаа тус шагналд нэр дэвшиж буй тохиолдол юм.

Селена Гомезын испани дуунуудыг багтаасан “Revelación” цомог нь 64 дэх удаагийн Грэммийн шагнал гардуулах ёслолын “Шилдэг латин поп цомог” номинацид нэр дэвшиж байгааг зарлажээ.

Тэрээр энэхүү номинацийн төрөлд Латин америк уран бүтээлчид болох Пабло Альборан, Паула Аренас, Рикардо Аржона, Камило, Алекс Куба нартай өрсөлдөж байна.

Гомез энэ оны гуравдугаар сард “De Una Vez” хэмээх гол синглээ гаргасны дараа “Revelación” цомгоо гаргасан юм.

Селенаторууд /Селена Гомезын шүтэн бишрэгчдийг ийнхүү нэрлэдэг/ твиттер хуудсаар дамжуулан дуучинд баяр хүргэжээ. Тэдний ихэнх нь “Селена албан ёсоор Грэммигийн шагналд нэр дэвшлээ. Бид таны өмнөөс маш их баярлаж, бахархаж байна” гэж бичжээ.

Эх сурвалж: Today